Azərbaycanın xarici işlər naziri Elmar Məmmədyarov Ermənistanın xarici işlər naziri Edvard Nalbandyanla görüşüb. Bu barədə Ermənistan mətbuatı ölkənin Xarici İşlər Nazirliyinin mətbuat xidmətinə istinadən xəbər yayıb. Məlumata görə, görüş NATO-nun Portuqaliyanın paytaxtı Lissabonda keçirilən sammiti çərçivəsində baş tutub. Qısa görüş zamanı hansı məsələlərə toxunulduğu açıqlanmayıb.

Azərbaycan Xarici İşlər Nazirliyinin mətbuat katibi Elxan Poluxov isə ANS PRESS-ə açıqlamasında onda belə bir məlumatın olmadığını bildirdi.