Qazaxıstanın paytaxtı Astana şəhərində dünya dinləri və ənənəvi dinlərin liderlərinin qurultayı öz işinə başlayıb. Dünyanin nüfuzlu dini liderlərinin və beynəlxalq qurumları rəhbərlərinin iştirak etdiyi qurultayda MDB dinlərarası şurasının sədri, bütün Qafqazın şeyxi Şeyxülislam Allahşükür Paşazadə məruzə ilə çıxış edəcək. Qeyd edək ki, qurultay hər 3 ildən bir Qazaxıstan prezidenti Nursultan Nazarbayevin təşəbbüsü ilə keçirilir. Tədbir Astananın sülh və həmrəylik sarayında baş tutacaq.