Xarici ölkələrin dövlət başçıları Azərbaycan prezidenti İlham Əliyevi 28 May Respublika günü münasibəti ilə təbrik edib. ANS PRESS-in prezidentin rəsmi saytına istinadən yaydığı məlumata görə, onların arasında Fransa prezidenti Nikolya Sarkozi, Böyük Britaniyanın və Şimali İrlandiyanın Kraliçası II Yelizaveta, Almaniya Federativ Respublikasının prezidenti Kristian Vulff, Səudiyyə Ərəbistanının Kralı Abdullah bin Əbdüləziz Al Səud, Hindistanın prezidenti Pratibha Devisinqh Patil, Rusiya Federasiyasının prezidenti Dmitri Medvedev var.

Azərbaycan prezidentini həmçinin Serbiya Respublikasının prezidenti Boris Tadiç, Xorvatiya Respublikasının prezidenti İvo Yosipoviç, Belçikanın Kralı II Albert, Avstriya Respublikasının Federal prezidenti Haynts Fişer, Türkiyə baş naziri Rəcəb Tayyib Ərdoğan təbrik edib.

Dünya ölkələrinin prezidentləri prezidentin simasında Azərbaycan xalqını bu bayram münasibəti ilə təbrik edib, xalqımıza əmin-amanlıq arzulayıb. ANSPRESS