Rusiya Federasiyası Dağıstan Respublikasının prezidenti Maqomedsalam Maqomedov bu gün Azərbaycana səfər edəcək. ANS PRESS-in Rusiya kütləvi informasiya vasitələrinə istinadən yaydığı xəbərə görə, səfər iki gün davam edəcək.

Səfər zamanı Maqomedsalam Maqomedovun prezident İlham Əliyev, baş nazir Artur Rasizadə, Milli Məclisin spikeri Oqtay Əsədov və digər rəsmilərlə görüşləri planlaşdırılıb.

Məlumata görə, səfərin yekununda elmi-texniki, ticari-iqtisadi və mədəni əməkdaşlıq sahələrində bir sıra sazişlərin imzalanması gözlənilir.

Eyni zamanda Dağıstan prezidenti Azərbaycana səfərinin yekununda ölkənin şimal regionuna da baş çəkəcək. ANSPRESS