Dünya şöhrətli müğənni Rihannanın Bakı konsertinə bir neçə saat vaxt qalır. Bu ərəfədə ANS-in əməkdaşları bu möhtəşəm konsertə biletlərin satışı və təhlükəsizlik məsələləri ilə maraqlanıb.

Solo konsertlə əlaqədar “Bakı Kristall Holl”un ətrafında təhlükəsizlik tədbirləri gücləndirilib. Bakı Şəhər Baş Polis İdarəsinin verdiyi göstərişə əsasən, ərazi ciddi mühafizə olunur. Minik maşınları əraziyə axşam saat 20.00-dan etibarən tam buraxılacaq.

Biletlərinin demək olar ki, hamısı satılıb. Köşklərdə biletlərin satışı səhər saatlarından etibarən dayandırılıb. Alıcılar biletləri yalnız Bayraq Meydanındaki satış köşklərindən əldə edə bilərlər.

Qeyd edək ki, R&M şahzadəsi, beynəlxalq mükafatların, o cümlədən 2 “Qremmi” mükafatının sahibi Bakıdaki çoxsaylı pərəstişkarlarını hit mahnılardan ibarət eksklüziv şou ilə sevindirəcək. Rihanna ilə birlikdə Bakıya müğənninin 80 nəfərlik komandası da gəlib. Rihannanın Bakıdaki konsertinə müxtəlif ölkələrdən çoxsaylı fanatlarının gələcəyi gözlənilir. Onun Bakı konserti musiqi sənayesində piratçılıqla mübarizəyə həsr edilib.