Bu gün Azərbaycanın 3 Milli Qəhrəmanının ad günüdür
05 Yanvar 2012 Cümə Axşamı 12:22
Qəhrəmanlar unudulmur!
Bu gün Azərbaycanın 3 Milli Qəhrəmanının ad günüdür. Qarabağ Azadlıq Təşkilatının mətbuat xidmətindən ANS PRESS-ə verilən məlumata görə, yanvarın 5-i Elgiz Kərimov, Şirin Mirzəyev, Naiq Yusifovun doğum günüdür.
Elgiz Kərim oğlu Kərimov 1971-ci il yanvarın 5-də Bərdə şəhərində anadan olub. O, 1991-ci ildə könüllülərdən ibarət batalyonun tərkibində cəbhəyə gedib, Əsgəran yaxınlığında döyüşdə xüsusi qəhərmanlıq göstərib, 1992-ci il martın 12-də Naxçıvanik kəndi uğrunda gedən döyüşdə onlarla düşmən yaraqlısını məhv edib, lakin özü də həlak olub. 1992-ci il iyunun 7-də Milli Qəhrəman adına layiq görülüb.
Elgiz Kərimov Bərdə şəhərində dəfn edilib.
Şirin Vəli oğlu Mirzəyev 1947-ci il yanvarın 5-də Xankəndi şəhərində anadan olub. O, Leninqrad (Sankt-Peterburq) Ali Siyasi-Hərbi Məktəbi və Moskva Ali Siyasi Akadmeyiasını bitirib, peşəkar hərbçi kimi SSRİ-nin müxtəlif yerlərində xidmət edib, 1991-ci ilin oktyabrında könüllü olaraq cəbhəyə gedib, Ağdamda ilk özünümüdafiə batalyonunu yaradıb, az vaxtda cəsur sərkərdə kimi ad qazanıb, Ağdam-Ağdərə istiqamətində çoxlu sayda uğurlu əməliyyatlar həyata keçirib, onlarla kəndi düşməndən azad edib, 1992-ci il iyunun 18-də Ağdamın Əliağalı kəndi yaxınlığında maşınında minaya düşüb və həlak olub. 1994-cü il sentyabrın 16-da polkovnik-leytenant Şirin Mirzəyev Milli Qəhrəman adına layiq görülüb.
Şirin Mirzəyev Bakı şəhərində Şəhidlər Xiyabanında dəfn edilib və onun adına Bakı şəhərində küçə var, xidmət etdiyi hərbi hissədə büstü qoyulub.
Naiq Nəsir oğlu Yusifov 1970-ci il yanvarın 5-də Tovuz rayonu Ağdam kəndində anadan olub. O, 1990-cı ildə kəndlərində yaradılmış özünümüdafiə dəstəsinə yazılıb, cəbhə boyu kəndlərin müdafiəsində sücaətlə vuruşub, 1992-ci il martın 24-də Koxanəbi kəndinin müdafiəsində axıra qədər döyüşüb, son nəfəsində qumbaranı sinəsinə sıxaraq partladıb, özü həlak olub, eyni zamanda ona yaxın erməni yaraqlısını da məhv edib. 1992-ci il iyunun 7-də Milli Qəhrəman adına layiq görülüb.
Naiq Yusifov Tovuz rayonu Ağdam kəndində dəfn edilib. Kəndin orta məktəbi onun adını daşıyır.
Elgiz Kərim oğlu Kərimov 1971-ci il yanvarın 5-də Bərdə şəhərində anadan olub. O, 1991-ci ildə könüllülərdən ibarət batalyonun tərkibində cəbhəyə gedib, Əsgəran yaxınlığında döyüşdə xüsusi qəhərmanlıq göstərib, 1992-ci il martın 12-də Naxçıvanik kəndi uğrunda gedən döyüşdə onlarla düşmən yaraqlısını məhv edib, lakin özü də həlak olub. 1992-ci il iyunun 7-də Milli Qəhrəman adına layiq görülüb.
Elgiz Kərimov Bərdə şəhərində dəfn edilib.
Şirin Vəli oğlu Mirzəyev 1947-ci il yanvarın 5-də Xankəndi şəhərində anadan olub. O, Leninqrad (Sankt-Peterburq) Ali Siyasi-Hərbi Məktəbi və Moskva Ali Siyasi Akadmeyiasını bitirib, peşəkar hərbçi kimi SSRİ-nin müxtəlif yerlərində xidmət edib, 1991-ci ilin oktyabrında könüllü olaraq cəbhəyə gedib, Ağdamda ilk özünümüdafiə batalyonunu yaradıb, az vaxtda cəsur sərkərdə kimi ad qazanıb, Ağdam-Ağdərə istiqamətində çoxlu sayda uğurlu əməliyyatlar həyata keçirib, onlarla kəndi düşməndən azad edib, 1992-ci il iyunun 18-də Ağdamın Əliağalı kəndi yaxınlığında maşınında minaya düşüb və həlak olub. 1994-cü il sentyabrın 16-da polkovnik-leytenant Şirin Mirzəyev Milli Qəhrəman adına layiq görülüb.
Şirin Mirzəyev Bakı şəhərində Şəhidlər Xiyabanında dəfn edilib və onun adına Bakı şəhərində küçə var, xidmət etdiyi hərbi hissədə büstü qoyulub.
Naiq Nəsir oğlu Yusifov 1970-ci il yanvarın 5-də Tovuz rayonu Ağdam kəndində anadan olub. O, 1990-cı ildə kəndlərində yaradılmış özünümüdafiə dəstəsinə yazılıb, cəbhə boyu kəndlərin müdafiəsində sücaətlə vuruşub, 1992-ci il martın 24-də Koxanəbi kəndinin müdafiəsində axıra qədər döyüşüb, son nəfəsində qumbaranı sinəsinə sıxaraq partladıb, özü həlak olub, eyni zamanda ona yaxın erməni yaraqlısını da məhv edib. 1992-ci il iyunun 7-də Milli Qəhrəman adına layiq görülüb.
Naiq Yusifov Tovuz rayonu Ağdam kəndində dəfn edilib. Kəndin orta məktəbi onun adını daşıyır.
Qarabağ klubu satıldı
Misirli hücumçu Məhəmməd Salah Liverpulun ən bahalı oyunçusu oldu