BMT Təhlükəsizlik Şurasının (TŞ) 5 yeni qeyri-daimi üzvündən 4-nün adı məlum olsa da, Şərqi Avropanı qurumda təmsil edəcək ölkənin adı hələ də müəyyən olunmayıb. 9 raund səsvermədən sonra bu yer uğrunda Azərbaycan və Sloveniya mübarizə aparır.

Azərbaycanın BMT-dəki daimi nümayədəsi Aqşin Mehdiyevin sözlərinə görə, ölkəmizin Şuraya seçilməsi üçün 15 səs toplamağı kifayətdir. Bu yer uğrunda digər iddiaçı Macarıstan səsvermənin ilk raundundan sonra üç ölkə arasında ən az səs toplamaqla mübarizəni dayandırıb.

Səsvermənin 4-cü və 5-ci raundlarında Azərbaycanla Sloveniya arasındakı səs fərqi təxminən bərabər olub: 93 səs Azərbaycanda, 96 səs isə Sloveniyada olub. 6-cı raundda Azərbaycan artıq Sloveniyanı 1 səs üstəliyib: 96 - 95 .

7-ci raundda da Azərbaycan 9 səs fərqi ilə Sloveniyanı üstələyib: 100-91. Azərbaycanın BMT-dəki daimi nümyəndəsi Aqşın Mehdiyev səsvermənin 9-cu raundundan sonra iki ölkə arasında səs fərqinin 36 çatdığını söyləyib. Onun fikrincə, oktyabrın 24-də keçiriləcək səsvermədə Azərbaycanın seçilmək şansı yüksəkdir.

A. Mehdiyev deyir ki, hələlik Azərbaycan qabaqdadır: “Azərbaycan 77 səs toplayıb, sloveniya ilə aramızda 36 səs fərq var. Bu günki vəziyyətə görə, biz Təhlükəsizlik Şurasında yerə nail olmaq üçün 14-15 səs toplamalıyıq.. Sloveniya isə təxminən 50-55 toplamalıdır”.

Qeyd edək ki, Sloveniya 1998-1999-cu illərdə BMT TŞ-nin qeyri-daimi üzvü olub. BMT-nin Təhlükəsizlik Şurasının 2012-2013 illər üçün coğrafi prinsiplə seçilən 5 qeyri-daimi üzvünün 4-nün adı məlumdur. Bunlar Pakistan, Mərəkeş, Qvatemala və Toqodur. Təhlükəsizik Şurası 15 üzvdən ibarətdir. Bunlardan 5-i, yəni ABŞ, Çin, Rusiya, Böyük Britaniya və Fransa daimi üzvlərdir və veto hüququna malikdirlər. Digər 10 üzv isə 2 il müddətinə seçilir. Yeni seçilən ölkələr 2012-ci ilin yanvarın 1-dən səlahiyətlərinin icrasına başlayacaq. ANSPRESS