BMT Təhlükəsizlik Şurası bu gün Yəməndə siyasi böhranı müzakirə edəcək. Bu qərar Yəməndə gərginliyin artması ilə əlaqədar çıxarılıb.

Qeyd edək ki, bundan əvvəl məhz BMT Təhlükəsizlik Şurasının iclasında hazırda NATO-nun aviazərbələrinə məruz qalan Liviyanın taleyi həll olunmuşdu.

Yəməndə prezident Əli Abdulla Salehin istefasını tələb edən etirazçılarla polis arasında toqquşmalar isə davam edir. Anti-hökumət nümayişlərinin başladığı vaxtdan bəri iki ay ərzində yüzdən çox adam ölüb.