Avropa İttifaqının Azərbaycandakı Nümayəndəliyi Azərbaycanda Avropa gününə həsr olunan “Avropaya baxış” adlı uşaq rəsm müsabiqəsi elan edir. ANS PRESS-in quruma istinadən verdiyi məlumata görə, bu rəsmlərdə uşaqlar Avropanı necə gördüklərini təsvir etməlidirlər. Müsabiqədə 6 yaşdan 14 yaşa qədər uşaqlar iştirak edə bilərlər. Rəsmlərin minimum ölçüsü A3 formatında olmalıdır.

Rəsmləri “Bakı Modern Art” Qalereyasına (Üzeyir Hacıbəyov küç. 27, giriş BTB bankın qapısı, 2-ci mərtəbə. Tel: 493 43 14, mob. 0506699027) bazar ertəsindən şənbə gününədək saat 10:00-dan 20:00-a qədər 2013-сü il mayın 8-i daxil olmaqla vermək olar.

Şəkillərin üzərində müəllif barədə tam informasiya olmalıdır (ad, yaş, telefon nömrəsi və ünvan).
Şəkillər geri qaytarılmır.
Seçim iki yaş kateqoriyasında (6-9 və 10-14) münsiflər heyəti tərəfindən aparılacaq.

Qaliblər ingilis və ya fransız dili kurslarında oxumaq şansı əldə edəcəklər.

Birinci yer - 1 illik kurs,
İkinci yer - 6 aylıq kurs,
Üçüncü yer - 3 aylıq kurs.