Paytaxtın Yasamal rayonu Ə.Haqverdiyev küçəsində saat 14:30 radələrində zəncirvari yol qəzası baş verib. Yasamar rayon Polis İdarəsindən ANS PRESS-ə verilən məlumata görə, yol qəzasında xəsarət alan olmasa da, 4 avtomobilə ciddi ziyan dəyib.

Belə ki, “Toyota Prado”, “Hyundai”, “VAZ-2107” və “Mercedes” markalı avtomobillər toqquşub. Hadisənin baş verməsinə səbəb “Toyota Prado” markalı avtomobilin sürətlə hərəkət edərək yolda qoşaxətti keçərək “Hyundai” markalı avtomobilə çırpılıb.

“Hyundai” markalı avtomobil də öz növbəsində yolun kənarında dayanan “VAZ-2107” markalı avtomobilə dəyib. O da yaxınlıqda dayanan “Mercedes” markalı avtomobilə dəyib. Xoşbəxtlikdən qəza nəticəsində xəsarət alan olmayıb.