Bakıda qarlı havada təcili tibbi yardıma müraciət edənlərin sayında artım olub. Bakı Şəhər Təcili və Təxirəsalınmaz Tibbi Yardım Stansiyasının baş həkimi Mürsəl Həmidovun ANS PRESS-ə verdiyi məlumata görə, yanvarın 28-də 24 nəfər travma alıb, onlardan 23-nə xəstəxanaya çatdırılaraq yardım göstərilib. Ötən gün isə sürüşmə nəticəsində 11 nəfər xəsarət alıb. 7 nəfər xəstəxanaya yerləşdirilib.

Qeyd edək ki, yanvarın 28-də təcili tibbi yardıma 1313 çağırış daxil olub. Ötən gün isə müraciətin sayı 1435-ə çatıb. Müraciətlər əsasən sürüşmə nəticəsində sınıq, çıxıq, əzilmədən olub.