APA-nın məlumatına görə, iştirakçı ölkələr arasında olan San-Marino da bu gün təmsilçisini müəyyənləşdirib. Maraqlıdır ki, ilk dəfə olaraq ölkəni nə italyan, nə də başqa bir ölkənin ifaçısı təmsil etməyəcək. Ölkə adından Bakı səhnəsinə san-marinolu Valentina Monetta çıxacaq. Müğənni öz ölkəsində kifayət qədər populyardır.

San-Marino “Eurovision”da 2 dəfə iştirak edib, lakin heç bir ciddi uğura nail ola bilməyib. Valentinanın mahnısı martın 16-da bəlli olacaq. O, mayın 22-də keçiriləcək I yarımfinalda iştirak edərək finala çıxmaq uğrunda mübarizə aparacaq.