Gənclər və İdman Nazirliyinin təşkilatçılığı ilə “9 noyabr-Dövlət Bayrağı günü”nə həsr olunmuş “Bayraq Festivalı” keçiriləcək. Nazirliyin mətbuat xidmətindən ANS PRESS-ə verilən məlumata görə, festivalın 04 noyabr 2011-ci il saat 16:00-da Bakı İdman Sarayında keçirilməsi nəzərdə tutulub.

Tədbirdə dövlət qurumlarının, qeyri-hökumət təşkilatlarının, tələbələrin, gənclər təşkilatlarının üzvləri və fəal gənclərin iştirakı nəzərdə tutulub.

Qeyd edək ki, “9 noyabr-Dövlət Bayrağı günü” prezidenti cənab İlham Əliyevin “9 noyabr Dövlət Bayrağı Gününün təsis edilməsi haqqında” 17 noyabr 2009-ci il tarixli sərəncamının və Gənclər və İdman Nazirliyinin tədbirlər planının icrasının təmin edilməsi məqsədilə həyata keçirilir.