Bu gün səhər Bakıda ağır yol-qəzası baş verib. Suraxanı rayon Dövlət Yol Polisi İdarəsindən ANS PRESS-ə verilən məlumata görə, Hövsan yolunda “Damas” markalı avtmobillə “Mercedes” markalı avtobus toqquşub.

Bakı şəhər Təcili və Təxirəsalınmaz Tibbi Yardım Stansiyasından ANS PRESS-ə verilən məlumata görə, hadisə yerindən 3 saylı Sabunçu Rayon Xəstəxanasına müxtəlif dərəcəli xəsarətlərlə 7 nəfər aparılıb. Xəsarət alanlardan 6-sı ilkin tibbi yardımdan sonra evə buraxılıb, yalnız bir nəfər, “Mercedes”in sərnişini vəziyyəti ağır olduğundan xəstəxanaya yerləşdirilib.

Sabunçu Rayon Xəstəxanasından ANS PRESS-ə verilən məlumata görə, xəsarət alan yaralı, Hövsan qəsəbə sakini 41 yaşlı Vahid Şahverdi oğlu Səfərov artıq reanimasiya şöbəsindən çıxarılıb palataya köçürüləcək. Biri qadın olmaq xəsarət alan digər 6 nəfər ilkin tibbi yardım göstərildikdən sonra evə buraxılıb.

Hazırda faktla bağlı araşdırma aparılır.