Martın 13-də Vaşinqtonda Azərbaycan icmasının fəalları erməni təşkilatları və ermənipərəst konqresmenlərin Konqres binalarından birində «Dağlıq Qarabağın azadlığı uğrunda mübarizənin başlanmasının 25 illiyi» tədbirinə qarşı etiraz mitinqi keçirəcəklər. Mitinqə Nyu-Yorkdakı azərbaycanlıların, o cümlədən Azərbaycan-Amerika cəmiyyətinin prezidenti Tomris Azərinin qatılması gözlənilir.

APA-nın Vaşinqton müxbirinin məlumatına əsasən, ermənilərin tədbirində Ermənistanın ABŞ-dakı səfirliyinin, «DQR-in nümayəndəliyinin» üzvləri iştirak edəcək, «DQR gənclər naziri» isə müraciətlə çıxış edəcək.