Avropa Azərbaycan Cəmiyyətindən (AAC) APA-ya verilən məlumata görə, iyunun 24-də Jazz Radio Berlin-lə birgə təşkil olunmuş konsertdə Sarabski Makar Novikov (bass) və Alexandr Maşinin (zərb) müşayiəti ilə çıxış edib.
Konsertdən əvvəl Avropa Mədəniyyət Parlamentinin üzvü, AAC-ın mədəniyyət məsələləri üzrə məsləhətçisi Səbinə Rakçeyeva Azərbaycan mədəniyyətinin Avropada tanıdılması üçün AAC-ın gördüyü işlərdən danışıb.
Sonra İsfarın triosu “Yay Cazı” və “Siyasət” adlı konsertlə çıxış edib. Konserti təxminən 300 tamaşaçı izləyib. Onların arasında Bundestaq üzvləri və digər tanınmış şəxslər də olub.

Pro7 TV-nin və Jazz Radio-nun aparıcısı Lesli Naxman gecədə çıxış edərək, Azərbaycanın caz mədəniyyətindən, onun ənənəvi muğam musiqisi ilə əlaqəsindən danışıb. O, növbəti radio verilişində cazla muğamın sintezi və Azərbaycanın Dağlıq Qarabağ bölgəsinin zəngin mədəniyyətinə həsr olunmuş reportajlar təqdim edəcəyinin bildirib.

Tamaşaçılar İsfarın ifasında Qərb caz kompozisiyalarını və muğam-caz parçalarını dinləyiblər.