APA-nın xəbərinə görə, birinci xanım Heydər Əliyev Fondunun təşəbbüsü ilə əsaslı təmir olunmuş və yenidən qurulmuş internat məktəbində yaradılmış şəraitlə tanış olub.

Qeyd edək ki, 1962-ci ildən fəaliyyət göstərən məktəbdə o vaxtdan əsaslı təmir işləri aparılmayıb. Heydər Əliyev Fondunun “Uşaq evləri və internat məktəblərinin inkişafı proqramı” çərçivəsində internat məktəbinin binasının təmirinə bu ilin martında başlanılıb. Məktəbin həm tədris korpusu, həm də yataqxanası əsaslı təmir olunub və yenidən qurulub. Məktəbin həyətində 200 tamaşaçı yeri olan stadion da inşa edilib.