Ötən axşam Xaçmaz rayonu ərazisində ağır yol nəqliyyat hadisəsi baş verib. APA-nın məlumatına görə, qəza Xudat-Nabran yolunun 11-ci km-də baş verib. Xaçmaz şəhər sakini, 1986-cı il təvəllüdlü Əliyev Vüqar Axund oğlu idarə etdiyi “Mersedes” markalı avtomaşın idarəetmədən çıxaraq yolun kənarındakı elektrik dirəyinə çırpılıb. Zərbədən elektrik dirəyi iki hissəyə parçalanıb və maşının üzərinə düşüb. Sürücünü və sərnişini maşından çıxarmaq üçün hadisə yerinə Fövqəladə Hallar Nazirliyinin xilasediciləri cəlb olunub. Xəsarət alan sürücü V.Əliyev və sərnişin, 1987-ci il təvəllüdlü Xaçmaz şəhər sakini Qasımov Elgün Seyidbaba oğlu Xaçmaz rayon Xəstəxanasına çatdırılıb. Həkimlərin səyinə baxmayaraq, Elgün Qasımov dünyasını dəyişib. Onun iyunun 7-si doğum günü olub. V.Əliyevin də vəziyyətinin ağır olduğu bildirilir.

Faktla bağlı araşdırma aparılır.