Azərbaycanda dövriyyəyə 100 manatdan artıq pul əskinasları buraxılacaq. ANS PRESS-in 1news.az-a istinadən verdiyi məlumata görə, bu barədə Mərkəzi Bank rəhbərinin birinci müavini Alim Quliyev Milli Məclisdə jurnalistlərə açıqlamasında bildirib. Onun sözlərinə görə, gələcəkdə 200 və 500 nominalda əskinasların dövriyyəyə buraxılması planlaşdırılır. Alim Quliyev bu məsələnin sadəcə planlaşdırıldığını, hələ ki, konkret qərarın qəbul edilmədiyini bildirib.