Azərbaycan xilasediciləri tərəfindən Türkiyənin Van bölgəsində aparılan axtarış-xilasetmə işləri nəticəsində dağıntılar altından daha 6 cəsəd çıxarılıb. APA-nın Fövqəladə Hallar Nazirliyinin (FHN) saytına istinadən verdiyi məlumata görə, cəsədlər aidiyyəti üzrə təhvil verilib.
Bununla da, Azərbaycan Fövqəladə Hallar Nazirliyinin xilasediciləri tərəfindən zəlzələ bölgəsində dağıntılar altından çıxarılmış cəsədlərin sayı 60-a çatıb, 12 nəfər isə sağ çıxarılıb.
Qeyd edək ki, Azərbaycan FHN-in xilasediciləri Van bölgəsində oktyabrın 24-dən xilasetmə əməliyyatlarına başlayıb.
Van bölgəsində insan tələfatı ilə nəticələnmiş zəlzələ oktyabrın 23-də baş verib. Rəsmi məlumatlara görə, 576 nəfər ölüb, 2608 nəfər yaralanıb.