Azərbaycan Xarici İşlər Nazirliyinin mətbuat katibi Elman Abdullayev Fransa Senatının “erməni soyqırımı”nı inkar edənlərin cinayət məsuliyyətinə cəlb olunması haqqında qanun layihəsini müzakirəyə çıxarmasını APA-ya belə şərh edib.

“Bəzi ölkələrdə deputatların erməni lobbisinin girovuna çevrilməsi təəssüf doğurur, hansı ki bu, həmin ölkələrin milli maraqlarına konkret olaraq cavab vermir”.

Xatırladaq ki, dekabrın əvvəllərində “Xalq Hərəkatı Uğrunda İttifaq”dan olan millət vəkilləri Fransa parlamentinin qanunvericilik komissiyasına qondarma “erməni soyqırımı”nı inkar edənlərin cinayət məsuliyyətinə cəlb olunmasını nəzərdə tutan qanun layihəsi təqdim ediblər. Fransa Senatında bu qanun layihəsi ilə bağlı səsvermə dekabrın 22-nə təyin olunub.