Azərbaycan dünyanın ən xoşbəxt ölkələri siyahısında 103-cü yerdədir. Ölkəmiz bu yeri yaxın müttəfiqi olan Türkiyə ilə bölüşür. “Forbes” jurnalı dünyanın ən xoşbəxt ölkələrinin siyahısını dərc edib. “Gallup”un apardığı araşdırmalar 4 il davam edib. Siyahıya Danimarka liderlik edir. Onu Finlandiya, Norveç, İsveç və Niderland izləyir.

ABŞ 4 illik araşdırmalardan sonra siyahının 14-cü pilləsində, Britaniya isə 17-ci yerdə qərarlaşıb. 155 ölkənin adı olan siyahıda Azərbaycanı ancaq şimal və cənub qonşularımız qabaqlayıb. Belə ki, Rusiya 73, İran isə 81-ci yeri tutub. Ermənistan və Gürcüstan isə müvafiq olaraq 110 və 115-ci yerdədirlər.

Ən bədbəxt ölkələr arasında isə Haiti, Ruanda, Serra-Leon, Kamboca, Nigeriya, Kamor adaları və Toqonun adı var.

Qeyd edək ki, siyahının hazırlanmasında əsas kriteriya kimi əhalinin yaşayış şərtlərindən razılıq səviyyəsi götürülüb. Sorğuda iştirak edənlər öz xoşbəxliklərini 10 ballıq şkala ilə qiymətləndirib. ANSPRESS