“Azərbaycan Hava Yoları” QSC (AZAL) İstanbulun Sabiha Gökçen hava limanına birbaşa müntəzəm uçuşlara başlayır.
ANS PRESS-in AZAL-ın rəsmi saytına isitnadla verdiyi məlumata görə, uçuşlar mayın 10-dan etibarən həyata keçiriləcək. Bakıdan İstanbulun Sabiha Gökçen hava limanına uçuşlar bazar ertəsi, çərşənbə və şənbə günləri saat 07:50-də, çərşənbə axşamı, cümə axşamı, cümə və bazar günləri isə saat 17:50-də “Airbus-319/320” tipli təyyarələrlə yerinə yetiriləcək. Reyslər şirkətin marketinq tərəfdaşı “Pegasus” aviaşirkəti (Türkiyə) ilə birlikdə həyata keçiriləcək.