Azərbaycan Respublikasının Prezidenti yanında Strateji Araşdırmalar Mərkəzi (SAM) xüsusi layihə üzrə Azərbaycanda akkreditə olunmuş diplomatik nümayəndəliklərin rəhbərləri ilə müzakirəli görüşləri davam etdirir. Mərkəzdən ANS PRESS-ə verilən məlumuta görə, göstərilən layihə çərçivəsində 11 iyun 2010-cu il tarixində SAM-da “Azərbaycanda demokratik dəyərlərin dəstəklənməsində ATƏT-in Bakı ofisinin rolu” mövzusunda müzakirəli görüş təşkil edəcək.

Məlumata görə, mərkəzin konfrans zalında təşkil olunacaq tədbirdə əsas məruzəçi qismində ATƏT-in Bakı ofisinin rəhbəri, səfir Əli Bilge Cankorel çıxış edəcək.

SAM-ın və XİN–in məsul əməkdaşları, millət vəkilləri, Azərbaycanda akkreditə olunmuş diplomatik nümayəndəliklərin və qeyri-hökümət təşkilatların təmsilçiləri, regional və beynəlxalq münasibətlər üzrə mütəxəssislərin də iştirak edəcəyi toplantıda səfir Azərbaycan-ATƏT münasibətləri, demokratik dəyərlərin cəmiyyətdə bərqərar olunmasında, qanunun aliliyi və insan haqlarının qorunmasında, vətəndaş cəmiyyətinin səylərini dəstəklənməsində ATƏT-in rolundan danışacaq, iştirakçıların suallarını cavablandıracaq. ANSPRESS