Avropa Şurası Parlament Assambleyasının (AŞPA) Monitorinq Komitəsinin Azərbaycan üzrə həmməruzəçiləri Jozef Debono Qrex (Malta) və Pedro Aqramunt (İspaniya) fevralın 1-dən 3-dək Azərbaycanda səfərdə olacaqlar. Avropa Şurasının Bakıdakı nümayəndəliyinin məlumatına görə, həmməruzəçilərin Azərbaycanın rəsmiləri, siyasi partiyaların təmsilçiləri ilə görüşləri nəzərdə tutulub. Onlar, həmçinin Sumqayıtda yerli təşkilatların nümayəndələri ilə də görüşəcəklər.