Avropa Şurası Parlament Assambleyası (AŞ PA) azərbaycanlı deputat Rafael Hüseynovu məruzəçi təyin edib. Qurumun payız sessiyasında deputatımıza mühüm ümumavropa problemi üzrə məruzə hazırlamaq həvalə edilib. “Avropa ali təhsil meyarlarının bütün dünya ölkələrinə tətbiqi” adlanan həmin məruzə AŞPA-nın mədəniyyət, elm, təhsil üzrə komitəsinin xətti ilə təqdim ediləcək.

Məruzənin hazırlığı prosesində deputat Rafael Hüseynovun dünyanın bir sıra aparıcı universitetlərində tədqiqat və müşahidələr aparması nəzərdə tutulur.

Xatırladaq ki, AŞPA-dakı nümayəndə heyətinin üzvü Rafael Hüseynov indiyədək qurumun hüquqi məsələlər və insan hüquqları, mədəniyyət, elm, təhsil, habelə ətraf mühit, kənd təsərrüfatı, məhəlli və regional məsələlər komitələri üzrə 5 məruzə hazırlayıb. ANSPRESS