Ermənistan silahlı qüvvələrinin hücumunu dəf edərkən şəhid olan Azərbaycan əskərlərinin adları açıqlanıb. Onlar - müddətdən artıq hərbi qulluqçu 24 yaşlı Əliyev Amil Novruz oğlu, 19 yaşlı əsgərlər Əzizov Xalid Mətləb oğlu, Bağırov Vahid İntiqam oğlu, Ataşlı Zülfüqar Vəli oğlu və İsmayılov Elçin Əlövsət oğludur.

Qeyd edək ki, bu səhər Ermənistan ordusunun təxribatçı qrupu Azərbaycan silahlı qüvvələrinin Qazax rayonunun Aşağı Əskipara kəndində yerləşən mövqelərinə girməyə cəhd etsə də, itki verərək geri çəkilməyə məcbur edilib. Döyüş zamanı Azərbaycan silahlı qüvvələrinin dörd hərbi qulluqçusu şəhid olub.

Daha bir əsgər isə Qazax rayonunun ərazisindəki adsız yüksəkliklərdən açılan atəş nəticəsində dünyasını dəyişib. ANS-in çəkiliş qrupu döyüşün baş verdiyi kənddə olub. Əməkdaşımızın Qazaxdan reportajını təqdim edirik.