APA-nın Mil-Muğan bürosunun xəbərinə görə, 15 nəfərdən ibarət nümayəndə heyəti Şirvan şəhəri haqqında internetdən məlumat əldə etdikdən sonra bu şəhərlə qardaşlıq əlaqələri qurmağı qərara alıb.

İyulun 16-da Bakıdan başlayan səfər bu gün Şirvan şəhərində davam edib. Ələddin Sonatın rəhbərlik etdiyi nümayəndə heyəti Şirvan şəhər İcra Hakimiyyətinin başçısı Mərdan Camalovla görüşüb. İcra başçısı qonaqlara şəhər haqqında geniş məlumat verib. Ə. Sonat isə Şirvan şəhər rəhbərliyini Türkiyəyə dəvət edib. APA