Beynəlxalq jurnalist mübadiləsi proqramı çərçivəsində Ermənistanın kütləvi informasiya vasitələrinin nümayəndələri Ankarada dövlət naziri, Türkiyənin Avropa Birliyi ilə danışıqlarda iştirak edən nümayəndə heyətinin rəhbəri Egemen Bağışla görüşüb. ANS PRESS-in Türkiyə mətbuatına istinadən verdiyi məlumata görə, görüş zamanı E. Bağış jurnalistlərin Türkiyə-Ermənistan münasibətlərinə dair, 1915-ci il hadisələri və sərhədlərin açılması ilə bağlı suallarını cavablandırıb.

E. Bağış bir daha Ermənistanla sərhədlərin açılması ilə bağlı öz dövlətinin mövqeyini səsləndirib. O bildirib ki, bu məsələdə rəsmi Ankara İrəvandan Dağlıq Qarabağ münaqişəsinin həlli ilə bağlı müəyyən addımların atılmasını gözləyir: “Əgər biz Dağlıq Qarabağ münaqişəsinin həllinə dair müəyyən irəliləyişlər görsək, Ankara da Ermənistan tərəfə bəzi addımlar atacaq”. ANSPRESS