Bakı və Xəzəryanı bölgələrin yepiskopu Aleksandr Ata Azərbaycanın işğal olunmuş ərazisində Xankəndində rus kilsəsinin təməlqoyma tədbirində iştirakı bağlı yayılan məlumatları təkzib edib. Bunu ANS-ə açqılamasında din xadimi özü bildirib. O, hazırda Mahaçqalada olduğunu və heç vaxt Dağlıq Qarabağda olmadığını deyib.

“İyunun 16-dan bu günə qədər mən Dağıstandayam. Ayın 16-sı mən Azərbaycan Dövlət Şurasının ali üzvü Məhəmmədəli Məhəmədəliyevin 80 illik yubleyində iştirak etmişəm. Ayın 17-si Dağıstan respublikasının prezidenti ilə görüşmüşəm. İyunun 18-də isə Kizlədə keçrilən kilsə foto sərgisində iştirak etmişəm. Və hazırda da mən Mahaçqala şəhərindəyəm”.

Qeyd edək ki, ötən gün Dağlıq Qarabağ separatçılarının lideri Bako Saakyan Azərbaycanın işğal olunmuş ərazisində -Xankəndində rus kilsəsinin təməlqoyma tədbirində iştirak edib. Məlumata görə, tədbirdə separatçı rejimin bir sıra dini və rəsmi qurumlarının nümayəndələri, o cümlədən Rusiyadan dəvət edilən qonaqlar iştirak ediblər. www.interfax-religion.ru sayt isə xəbər verib ki, Bakı və Xəzəryanı Yeparxiyanın yepiskopu Aleksandr ata da bu tədbirdə iştirak edib və hətta kilsənin təməl yerinə müqəddəs daş da qoyub. ANSPRESS