“Xalq Bank” filiallarında təcili pul köçürmələri sistemlərindən istifadə edən müştərilərə mobil operatorların danışıq kartları hədiyyə edilir. Bankın mətbuat xidmətindən ANS PRESS-ə verilən məlumata görə, “Daha çox köçür, daha çox qazan!” adlı aksiyanın şərtlərinə görə təcili pul köçürmələri sistemləri vasitəsi ilə 500 EUR/650 USD/22000 RUR-dək vəsait köçürən və yaxud qəbul edən müştərilərə 1 manat dəyərində; 500 EUR/650 USD/22000 RUR-dan 1000 EUR/1300 USD/42000 RUR-dək vəsait köçürən və yaxud qəbul edən müştərilərə mobil operatordan asılı olaraq 2-3 manat dəyərində; 1000 EUR/1300 USD/42000 RUR-dan yüksək məbləğdə vəsait köçürən və yaxud qəbul edən müştərilərə isə mobil operatordan asılı olaraq 5-6 manat dəyərində danışıq kartı hədiyyə edilir.

Xatırladaq ki, hazırda “Xalq Bank” “Western Union”, “Contact”, “Migom”, “PrivatMoney”, “Xpress Money”, “Bıstraya Poçta”, “Zolotaya Korona” sistemləri vasitəsi ilə 200-dən artıq ölkəyə təcili pul köçürmələrini həyata keçirir.

“Xalq Bank”ın filial şəbəkəsi 18 filialdan ibarətdir ki, onlardan dördü paytaxtda, digərləri isə rayon mərkəzlərində fəaliyyət göstərirlər.