“Texnikabank” bu ilin iyun ayı ərzində təcili pul köçürmələrin həcminin artdığını qeyd edir. Bu barədə ANS PRESS-ə bankın məlumatında bildirilir.

Məlumata əsasən, 2012-ci ilin may ayının sonunda banka daxil olan köçürmələrin həcmi 8,84 milyon manat təşkil edibsə, iyun ayının sonuna bu göstərici 9,7 milyon manata çatıb.

“İyun ayında bank tərəfindən göndərilən və alınan bütün pul köçürmələrin həçmi 11,5 milyon manat təşkil edib”,- deyə məlumatda qeyd edilir.

Hazırda “Texnikabank” “Western Union”, “PrivatMoney”, “Contact”, “Miqom”, “Zolotaya Korona”, “Caspian Money Transfer”, “Blizko”, “Bıstraya poçta” , “Lider”, “Faster”, “Xpress Money”, “IBA-Express” pul köçürmə sistemləri ilə əməkdaşlıq edir.