Cənubi Koreyanın “Samsung Electronics Co.” şirkətinin mənfəəti bu ilin III rübündə iki dəfədən çox artaraq 3,72 trln. von (3,14 mlrd. dollar) təşkil edib. Bu barədə “Samsung”un yaydığı press-relizdə bildirilir. Ötən ilin müvafiq dövründə şirkətin mənfəəti 1,22 trln. von (1,02 mlrd. dollar) olub.

Hesabat dövründə “Samsung”un gəlirləri 29% artaraq 24,86 trln. von (20,95 mlrd. dollar) təşkil edib. Ötən ilin müvafiq dövründə bu göstərici 19,3 trln. von (16,26 mlrd. dollar) olub. Bu isə onu göstərir ki, “Samsung” bu ilin I rübündə qlobal iqtisadi böhran nəticəsində uğradığı zərəri kompensasiya etməyə nail olub. ANSPRESS