Bu ilin birinci rübü ərzində əhaliyə ticarət və xidmət şəbəkəsindən 3,1 milyard manatlıq istehlak malları satılıb və 1,0 milyard manatlıq pullu xidmətlər göstərilib. Dövlət Statistika Komitəsindən ANS PRESS-ə verilən məlumata görə, keçən ilin yanvar-mart aylarına nisbətən pərakəndə əmtəə dövriyyəsi 8,3 faiz, pullu xidmətlərin həcmi isə 10,6 faiz artıb.

Əhaliyə realizə olunmuş istehlak mallarının 65,4 faizini ərzaq məhsulları, 34,6 faizini isə qeyri-ərzaq malları təşkil edib və onların satışı müvafiq olaraq 7,7 və 10,2 faiz çoxalıb. ANSPRESS