“Parabank” ASC Yeni il bayramı ilə əlaqədar 2010-cu il dekabr ayının 25-dən başlayaraq 2011-ci il yanvar ayının 5-dək “Park Bulvar” Ticarət və Əyləncə Mərkəzində, Kukla Teatrında və Heydər Əliyev sarayında promo aksiyalar keçirib. Bankın mətbuat xidmətindən ANS PRESS-ə verilən məlumata görə, keçirilən aksiyalarda bankın əməkdaşları gələn qonaqları müxtəlif hədiyyələrlə qarşılayıb.

“Parabank”ın təşkil etdiyi aksiyaların birinə Rus Dram Teatrın peşəkar aktyorları dəvət olunub. Aktyorlar uşaqlar üçün Yeni il ilə bağlı tamaşa nümayiş etdirib. Onlar uşaqların iştirakı ilə müxtəlif növ maraqlı oyunlar təşkil edib. Belə ki, keçirilən promo aksiyalarda bankın işçiləri tərəfindən bukletlər, təqvimlər, bayraqlar, şarlar və digər hədiyyələr gələn qonaqlara təqdim olunub.

Qeyd edək ki, ümumilikdə aksiyaların keçirildiyi 7 gün ərzində bu tədbirlərdə 3000 nəfər iştirak edib. ANSPRESS