Liviyadakı hərbi toqquşmalar və Yaxın Şərqdə vəziyyətin gərginləşməsi fonunda dünya bazarında neftin qiymətində ziddiyyətli dəyişiklik qeydə alınıb.

London birjasında “Brent Crude Oil” markalı neft 0,17 dollar bahalaşıb. Bu markadan olan “qara qızıl”ın qiyməti 115,72 dollar təşkil edib.

Nyu-York birjasında isə “Light Sweet Crude Oil” markalı neftin bir barelinin qiyməti 0,15 dollar azalaraq, 105,6 dollara düşüb.

Qeyd edək ki, “Light Sweet Crude Oil” markalı neftin qiyməti 105,75 dollara çatmışdı. Bu, son 2,5 il ərzində ən yüksək göstərici idi.