Dünya bazarlarında neftin qiyməti bir neçə sent qalxıb. Buna səbəb çərşənbə axşamı ABŞ valyutasının qismən möhkəmlənməsi və bu ölkədə xammal neft ehtiyatlarının artmasıdır.

Belə ki, dünən oktyabrın 26-da Nyu-Yorkun NYMEX (New York Merchantile Exchange) əmtəə birjasında keçirilən ticarət əməliyyatlarının gedişində WTI (Light Sweet Crude Oil) neftinin ixracına dair dekabr müqaviləsinin dəyəri 0.03 dollar bahalaşaraq 1 barelə görə 82,55 dollar təşkil edib.

Bazar ertəsi ICE (InterContinental Exchange Futures) London qitələrarası birjasında dekabrda ixrac etməklə Brent Crude Oil markalı neftin 1 barelinin dəyəri isə 0.12 dollar qalxaraq 83,66 dollar təşkil edib. ANSPRESS