Liviyadakı hərbi toqquşmalar və Yaxın Şərqdə vəziyyətin gərginləşməsi fonunda dünya bazarlarında neftin qiyməti qismən azalıb.

London birjasında “Brent Crude Oil” markalı neft 0,13 dollar ucuzlaşıb. Bu markadan olan “qara qızıl”ın qiyməti 115,59 dollar təşkil edib.

Nyu-York birjasında isə “Light Sweet Crude Oil” markalı neftin bir barelinin qiyməti 0,2 dollar ucuzlaşıb və 105,4 dollara düşüb.

Qeyd edək ki, son aylar Yaxın Şərq və Şimali Afrika ölkələrində kütləvi xalq etirazları tüğyan edir. Artıq etirazlar Misir və Tunisdə hakim rejimlərin süqutu ilə nəticələnib. Hazırda Yəmən və Suriyada hakimiyyət əleyhinə nümayişlər davam edir. Əlcəzair, İraq, İordaniya, Mərakeş, Oman, Bəhreyn və Səudiyyə Ərəbistanında da kütləvi etiraz aksiyaları keçirilib. Liviyadakı vətəndaş qarşıdurmasına isə beynəlxalq koalisiya qüvvələri müdaxilə ediblər.