“Meqa Sığorta” şirkəti nəqliyyat vasitələri sahiblərinin mülki məsuliyyətinin icbari sığortasına dair daha bir iri ödənişi həyata keçirib. Şirkətin mətbuat xidmətindən ANS PRESS-ə verilən məlumata görə, hadisə Bakı şəhəri Zığ şossesi yaxınlığında baş vermiş yol qəzası ilə bağlı olub.

Belə ki, yol nəqliyyat hadisəsi zamanı “Meqa Sığorta” ASC-də sığortalı olan “Ford Cargo 2526” markalı yük maşının sahibi tərəfindən iki fərqli əmlaka zərər törədilib. Dəyən zərər üzrə 5 000 manat məbləğində sığorta ödənişi mütənasib olaraq 3 792 manat və 1 208 manat ödəniş təqdim olunub.

Qeyd edək ki, qəzanın səbəbi hərəkət şəraitini və nəqliyyat vasitəsinin xüsusiyyətini nəzərə almamaq olub.