Bu gün Bakıda beynəlxalq investisiya konfransı çərçivəsində Azərbaycan Beynəlxalq Bankının (ABB) İslam İnkişaf Bankının kredit xəttini cəlb etməsi barədə müqavilə imzalanıb. ABB İdarə Heyətinin sədri Cahangir Hacıyev jurnalistlərə deyib ki, 15 milyon dollar həcmində vəsait illik 9 faizlə kiçik və orta sahibkarlığa dəstək üçün cəlb edilir.

C.Hacıyevin sözlərinə görə, 24 iyunda daha bir kredit sazişinin imzalanması gözlənilir. Həmin sazişlə ABB-yə ticarət maliyyələşməsi proqramı çərçivəsində 30 milyon dollar vəsait ayrılacaq.

İİB vəsaitlərdən şəriət qaydaları ilə istifadə üzrə kredit verir. ABB İİB ilə 10 ildir ki, əməkdaşlıq edir. ANSPRESS