Bu gün Gəncə və Bərdədə ətraf rayonların iş adamlarına Sahibkarlığa Kömək Milli Fondundan güzəştli kreditlərin paylanmasına başlanacaq. Bundan əvvəl fond xətti ilə Ağsu və İmişlidə ətraf rayonlardan olan 130-a qədər fermerə kredit verilib. Qeyd edək ki, layihələr maliyyələşdirilərkən kənd təsərrüfatı və sənaye məhsullarının istehsalı, eləcə də emalı, qədim xalq sənətkarlığının inkişaf etdirilməsi, informasiya kommunikasiya texnologiyaları, səhiyyə, turizm layihələrinə üstünlük verilir. Bu il büdcədən fonda 80 milyon manat ayrılıb.