Azərbaycan Dövlət Neft Şirkətinin (ARDNŞ) Marketinq və İqtisadi Əməliyyatlar İdarəsi 2012-ci ilin fevral ayında 7 min 573 ton avtomobil benzini, 62 min 791 ton dizel yanacağı, 12 min 787 ton təyyarə yanacağı ixrac edib.

ARDNŞ-in mətbuat xidmətindən ANS PRESS-ə verilən məlumata görə, ümumilikdə, 2012-ci ilin yanvar-fevral ayları ərzində 13 min 251 ton avtomobil benzini, 164 min 142 ton dizel yanacağı, 23 min 9 ton təyyarə yanacağı ixrac edilib.

Bu ilin fevral ayında dünya bazarında avtomobil benzininin qiyməti (1 ton üçün)– 1057,67 dollar, təyyarə yanacağının – 1041,63 dollar, dizel yanacağının – 998,27 dollar, 1%-li kükürdlü mazutun qiyməti isə 729,21 dollar təşkil edib.