İyulun 24-də ABŞ dolları Azərbaycanda son 14 ildə ən aşağı həddə düşüb. İki gündə ABŞ valyutasının manata olan rəsmi məzənnəsi 78,43 qəpik təşkil edib.

Bu barədə məlumatı "İqtisadi forum" jurnalı yayıb.

Jurnalın məlumatına görə, son dəfə Mərkəzi Bankda bu rəqəm 1999-cu ilin martın 22-də qeydə alınıb. Sonrakı dövrlərdə isə bahalaşma müşahidə olunub. Hətta 2003-2004-cü illərdə 98 qəpik həddini ötməyə də müvəffəq olub. Ancaq sonrakı dövrlərdə dünya bazarlarında neftin bahalaşması və Azərbaycanda neft hasilatının artması fonunda ölkəyə neft dollarlarının axını manatı möhkəmləndirməyə başlayıb.

Son illər dollarda yenidən ucuzlaşma qeydə alınıb.