Azərbaycan Beynəlxalq Bankının 28 May küçəsi, 20 ünvanında yeni özünəxidmət məntəqəsi fəaliyyətə başlayıb. Bankın mətbuat xidmətinin yaydığı məlumata görə, yeni xidmət məntəqəsi “cash-in” tipli 3 yeni bankomatla təchiz edilib. Adi bankomatların yerinə yetirdiyi bütün əməliyyatlarla yanaşı, bu bankomatlar müştərilərə öz bank kartları hesablarına nağd vəsait köçürmək imkanı da verir. İlk vaxtlar məntəqə saat 8-dən 24-dək fəaliyyət göstərəcək. Gələcəkdə isə onu fasiləsiz iş rejiminə keçirmək nəzərdə tutulur. Müştərilərin təhlükəsizliyini təmin etmək məqsədi ilə məntəqə izləmə kameraları ilə təchiz edilib. Məntəqədə idarədənkənar mühafizə xidmətinin əməkdaşı oturacaq.