Bu il iyunun 7-dən 10-dək Bakı Sərgi Mərkəzində 18-ci Beynəlxalq Xəzər neft, qaz, neftayrıma və neft kimyası sərgi və konfransı keçiriləcək. Sərgi Sənaye və Energetika Nazirliyi və Azərbaycan Respublikası Dövlət Neft Şirkətinin dəstəyi, Böyük Britaniyanın “İTE Group PLC” və onun Azərbaycandakı tərəfdaşı “İteca Caspian LLC” şirkətlərinin təşkilatçılığı ilə keçiriləcək.

Sərgi neft və qaz yataqlarında görülən işlər, geofizika və geologiya, qaz və neft quyularının tikintisi və işlənməsi, platformalar və üzən qazma qurğuları, neft-qaz emalı və neft-kimya məhsulları, karbohidrogenlərin nəql edilməsi, neft və qaz saxlama sistemlərinin təmin edilməsi və s. sahələr üzrə təşkil olunacaq.

Eyni günlərdə, həmçinin 1-ci Xəzər Beynəlxalq energetika və alternativ enerji sərgisi də baş tutacaqdır. Tədbirdə energetika və elektrotexnika, energetika maşınqayırması, elektrotexniki avadanlıq, elektrik, istilik və qaz təchizatı sistemləri, alternativ enerji mənbələri və s. bölmələr nümayiş olunacaq. ANSPRESS