APA-nın məlumatına görə, bu barədə bu gün keçirdiyi mətbuat konfransında Əmək və Əhalinin Sosial Müdafiəsi Nazirliyinin Baş Məşğulluq İdarəsinin rəisi Anar Bədəlbəyli bildirib. Onun sözlərinə görə, Azərbaycanda işsiz statusu alanların sayı azalıb. Hazırda ölkədə 39 951 işsiz var.
İdarənin rəis müavini Şahbaz Xələfov isə deyib ki, qeyri-rəsmi məlumatlara əsasən, Azərbaycanda işsizlərin sayı 265 min nəfərdir. Onun sözlərinə görə, bu ilin ilk 6 ayı ərzində 1479 nəfərə işsizlik statusu verilərək müavinət təyin edilib. APA