Azərbaycanda 100 manatlıqlardan böyük nominallı pullar dövriyyəyə buraxıla bilər. Mərkəzi bankın idarə heyətinin sədr müavini Alim Quliyev deyib ki, 100 manatdan yuxarı kağız pulların buraxılması ideyası üzərinldə iş aparılır. Mərkəzi bankın mütəxəssisləri həmin pulların dizaynı və hazırlanması üzərində işləyir. Cənab Quliyev yararsız hala düşən və köhnəlmiş əskinaslara da aydınlıq gətirib. Onun sözlərinə görə köhnəlməyə ən çox 1 və 5 manatlıqlar məruz qalır. Həmin pullar bank sisteminə daxil olan kimi yeniləri ilə əvəzlənir.