Azərbaycan 2010–cu ilin əvvəllərindən başlayaraq, Rusiyaya sutkada 1,5 milyon kubmetr qaz ixrac etməyə başlayacaq.
Dövlət Neft Şirkətinin (ARDNŞ) “Azəriqaz” İstehsalat Birliyinin baş direktorunun birinci müavini Nazim Səmədzadənin AzərTAc-a verdiyi məlumata görə, iyun ayında ARDNŞ–lə Rusiyanın “Qazprom” şirkəti arasında imzalanan 5 illik müqaviləyə əsasən, Azərbaycan Rusiyaya 1 il ərzində 500 milyon kubmetr qaz ixrac edəcək.
“Belə bir müqavilə imzalamaq bizim üçün çox vacibdir. Çünki bununla anbarlarda yığılıb qalan qazın satışına müvəffəq oluruq” – deyən “Azəriqaz” İB-nin rəsmisi, razılaşmadan fərqli olaraq qazın ixracına 6 ay əvvəldən başlanılacağını bildirib. O, əlavə edib ki, bu ilin sonunadək Qazıməmməd – Mozdok qaz kəmərində texniki təmir işləri başa çatdırılacaq və kəmər istifadə üçün tam yararlı hala gətiriləcək.ANSPRESS