Bu ilin doqquz ayı ərzində bütün maliyyə mənbələrindən tikinti kompleksinə 11,8 milyard manat məbləğində vəsait yönəldilib.

Dövlət Statistika Komitəsindən AzərTAc-a daxil olan məlumatda bildirilir ki, həmin vəsaitin 8,4 milyard manatını və ya 71,5 faizini daxili vəsaitlər, 3,4 milyard manatını isə xarici mənbələrdən ayrılmış investisiyalar təşkil edib.

Ötən illə müqayisədə əsas kapitala yönəldilmiş vəsait 19 faiz, o cümlədən tikinti-quraşdırma işlərinin yerinə yetirilməsinə sərf olunmuş vəsait 30 faiz artmışdır.