Standartlaşdırma, Metrologiya və Patent üzrə Dövlət Komitəsi Fövqəladə Hallar Nazirliyi ilə birgə tikinti materialları üzrə Texniki komitənin yaradılması ilə bağlı qərar qəbul edib. Komitənin mətbuat xidmətindən ANS PRESS-ə verilən məlumata görə, hazırda Texniki komitənin Əsasnaməsi və 3 illik fəaliyyət planı üzərində müzakirələr aparılır.

Məqsəd tikinti-inşaat sektorunda Avropa və İSO standartlarının tətbiqini sürətləndirməkdir. Texniki komitənin işində müvafiq dövlət orqanları ilə yanaşı, Azərbaycanda fəaliyyət göstərən iri tikinti şirkətləri də iştirak edəcək. ANSPRESS